يا دموع قلبى بلاش تواسينى .. فى جرح محفور جوايا
وان احتاجتينى اكيد هتلاقينى .. تايه ومش معايا ..
وان لقتينى استنينى ..هدمَّع بيكى مــ اللى جوايا
--------------
لحظات الفرح ليه كرهتينى ؟.. دا اللى حصلى مش برضايا
واللى يجرح نفسه بنفسه ..يبقى اكيد وراه خبايا ..
ليه يا فرح تتخلى عنى ..وانت شايفنى من الضحايا
--------------
يا هموم ليه تقيدينى .. وانا طاير حر فى سمايا ..
لو كنت ظالم حاسبينى .. واحبسى قلبى ويَّايا ..
اما لو انتى اللى ظلمتينى ..فانا مسامحك من جوايا ..
بس بلاش تحرمينى .. من لحظات عمرى وصبايا
--------------
يا دنيا ياللى قالو عنك .. قاسيه وظالمه عـ المَـنَايا ..
مصدقتش وقلت .. اكيد بتجرح اللى أذاها ..
فضلت طيب معاكى..لحد ما أخدتينى على عمايا ..
يا دنيا أحب اقلك "وجعتينى" ..ونزول دمع عينى فدايا ..
--------------
صاحبى يا عشره عمر يا غالى ..ياللى كان قلبك حِمَايا ..
لما أكون متضايق اجيلك ..ترمى كل همومى ورايا ..
ياللى علمتنى ازاى أخلص ..وقتلت جوايا النداله ..
دلوقتى تبعنى من غير ما أسيئلك ..وتقول فراق للنهايه ..
ليه تسيب هواك يخونك ..وتسلمله وترفعله الرايه ..
--------------
حبيبى ياللى قلبك حته منى ..وروحك هيا نور هوايا
لما تغيب أشتاقلك ..وأخرج منى عشان أشوفك جوايا ..
البحر شهد على عشقنا..وحفرنا على الغصون كلمه "حب للنهايه" ..
تــخــنــــــــــــى ليه ؟..وانا كنت بحبك بأمانه ..
-------------
يارب يا ملك الملوك ..بناديلك بروحى الجبانه
خسران والكل باعنى .. بس اكيد ليا عندك غلاوه ..
يارب سامحنى واغفرلى..وارزقنى من عندك الهدايه ..
باب رحمتك مفتوح .. وحنيتك عـ الخلق بحور فياضه ..
احن من الروح على الجسد ..وواخدنى ليك مشاعر جياشه ..
اقبلنى عندك يارب ..واقبل مناجاتى ليك ودعايا ..
------------------------------------------------------------
الكل ممكن يبيعك ..الا ربنا هو اللى يشتريك
وانت تروح للناس تشتريهم وتنساه ..وربنا هو اللى يجيك..
الأربعاء 28 يوليو 2010 - 15:46
