لو ده خطيبك هتعملى فيه ايش ؟؟؟؟!!!

هو و هى مشيين على الكورنيش .. الجو حار .. الشمس محرقة

هي : عطشانة .

هو : وأنا كمان .

هي : يعنى ... عايزة اشرب!

هو : أكيد مادام عطشانة يبقى عايزة تشربي .

هي : المفروض – بما أن عندك إحساس يعنى – إني لما أقولك عطشانة تجيب ليا حاجة ساقعة .

هو : ومين اللي هيحاسب ؟؟

هي : أنت طبعاً .

هو : منين ياحسرة .. ماانتى عارفة الكانز وغطاه .

هي : ماقلتش عايزة كانز .. كفاية إزازة صاروخ .

هو : طب لو هاتجيبى اعزمينى معاكى .

هي : يابنى أنت مابتحسش ، وبعدين بقالنا 3 ساعات ماشيين ، أنت مش ناوي تقعدنا ولا إيه؟

هو : عندك الكورنيش كله .. اختاري الرصيف اللي يعجبك .

هي : قصدي تعزمنى في مكان شاعري .

هو : في الحر ده .. ماينفعش .

هي : بلاش دى .. نأخد مركب عالكورنيش .

هو : المراكب بتغرق اليومين دول .. خلينا ع البر أحسن .

هي : بلاش المركب تعالى نأكل ترمس .. أظن ده رخيص .

هو : إنتى تضمني منين إن الراجل غاسل إيده وغاسل الترمس؟؟

هي : أعوذ بالله .. إنت مقفلها كده ليه ؟؟

هو : بصراحة معييش فلوس .

هي :يا سلام!! .. ماأنت كان معاك إمبارح .

هو : إمبارح دخلت السينما مع بنت حلوة كده فالفلوس خلصت!!

هي : بنت حلوه ؟؟!! وبتقولها في وشى .

هو : أكذب عليكى يعنى .

هي : لأ .. تحرق دمى أحسن .

هو : أنا مش شامم ريحه شياط يعني .

هي : يخرب بيت البرود .

هو : برود إيه ؟؟ ماهو الجو مولع أهو .

هي : إنت اللي بارد .

هو : بارد إزاى ؟؟ دا أنا بشُر عرق .

هي : بقولك إيه .. روحنى .

هو : أروحك ؟! هو إنتى ماتعرفيش تروحي لوحدك .

هي : آآآآه .. طب أنا ماشية .

هو : ليه يا حبيبتي؟؟

هي : حبك برص .

هو : والله البرص بيفهم عشان حبني.

هي : بجد كده كتير .

هو : كتير إيه ؟؟

هي : إرحمنى .. واضح إن الحر بيجى معاك بالعكس .. يا بارد!!!

هو : يعنى مصممة تمشى ؟؟

هي : أيوة وحالاً كمان .

هو : طب استني لما نوصل آخر الشارع .

هي : اشمعنى ؟؟

هو : أصل أنا ساكن هناك .. و مايرضكيش أروح لوحدى .

هي : لااااااااااااااااااااااا!!!!

هو : ينفع كده ترمي نفسك في الميه مين هايوصلنى.

هههههههههههههههههه
مجربة البرود ده
ههههههههههههههههههه
جميلة اوى فعلا
تسلم الايادى

امراء المملكة تاريخ التسجيل : 22/11/2009

هههههههههههههههههههههههههههههههه
دى اشاعات مغرضه عن الرجاله

اشاعات ؟ دى الحقيقة

تاريخ التسجيل : 14/11/2009

والله العظيم راجل روش
انا عايز من ده

قابل يا عم وتقولى اشاعة
هههههههههه

تاريخ التسجيل : 14/11/2009

يا سلام لو معاكي رقمه
روش بكل المقاييس

روش ؟ انا مش شايفة فية اى روشنة
ده بارد ومتحجر واعدامه رمى بالرصاص مش خساره فيه

تاريخ التسجيل : 14/11/2009

والله روش بس
هي الي غلطانة رمت نفسها في النيل وسابته يروح لوحده
يبقي مين الي غلطان بقي

والله انا شكلى هقوم ارمى نفسى من البلكونة

والله انا شكلى هقوم ارمى نفسى من البلكونة

وزيرة تاريخ التسجيل : 14/11/2009

ههههههههههههههههههههههههههه
واللهى راجل جامد اخر حاجة
اصلى مجربة البرود الى يشل دى

امراء المملكة تاريخ التسجيل : 22/11/2009

طيب يلا يا بروكن مستنيه ايه يلا توكلى على الله ونطى

وزيرة تاريخ التسجيل : 21/11/2009

ههههههههههههههههههههههههه
والله لو خطيبى كنت هعذبه عذاب الكفار

حرام عليك
بعيد الشر على

تاريخ التسجيل : 14/11/2009

طب يلا انا مستني اهوه وحماته برضه مستني معايا
بس ياريت تجيبي رقم الموبيل الاول

انتو صدقتو ولا ايه لا طبعا
ده انا كبيرى ارمى نفسى من على الرصيف بتاع الشارع
اما رقم التلفون 122 هو هتلاقيه هناك فى النمرة دى

تاريخ التسجيل : 05/05/2010

انا لو اعرف حد زى الشئ ده كان زمانى رميته
وخلصت الموضوع

انت هتقوليلى ههههههههههههه
منوره والله