واحدة كنت بحبها
كان عندى كل شئ بيهون عشان حبها
وعمرى ما ندمت على كلمة معاها قلتها
ودايما لسانى عايز ينطق اسمها
لما بكون معاها بنسى الدنيا كلها
وحياتى احلى لما بكون جنبها
ويزيد عذابى لما ببعد عنها
لكن خلاص بعد ما حبها من قلبى انتهى
هنساها والآمى مهما زادت هكون قدها
ازاى انا قلت حياتى تنتهى من بعدها
ما انا عشت سنين كتير من قبلها
مش عارف هو عمره ما حس بيا قلبها
ولا ده عادى وده شئ فى طبعها
وليه ما قالتش كده فى وقتها
وسابت قلبى يتعلق بيها وبحبها
ليه جرحى واهاتى ولا تسوى شئ عندها
ليه حزنى وسكاتى عشان واحدة زيها
ده الغدر بقى شئ عادى وبيجرى فى دمها
خلاص اوراق الماضى بايدى قطعتها
وهنسى قلبى الايام اللى ليها عشتها
ولما اشوفها قصادى ولا كأنى شفتها
هقسى واجرح وخلاص هتعلم منها
هدوس على قلبى لو فكر يرجعلها
ما خلاص انا حبى ليها انتهى
الثلاثاء 30 مارس 2010 - 20:36
