حوار بين الشباب والبنات!,

تذكير بمساهمة فاتح الموضوع :

حوار هــادف بين الشباب والبنات!, شاركوا

ارجو التفاعل ,,,


(( الحوار المثالي بين الشبــاب و البنــات ))


خطرت لي فكرة هذا الحوار [ الساخن ]


وهو عبارة عن حوار مثير بين الشبابــ والبناتــ


حوار محترم بيننا حوار هادئ لا يحتمل الزعل ولا العصبيه



وضعتها من باب النقاش واجابه من الطرفين


هناكـ امور لا يستطيع الشابـ فهمها في الفتاه

و

هناكـ امور لاتستطيع الفتاه فهمها في الشابـ


وسنقوم في هذا الحوار بتسليط الضوء على كل ما لا يعجبنا في الجنس الآخر بكل صراحة

و موضوعية وبعيداً عن التعصب حتى نستمتع و نخرج منه بنتائج إيجابية.


[ بداية الحوار ]


سيقوم فريق الشبـاااب بطرح تساؤل عن أمر معين لا يعجبه في البنــاات


وسيقوم فريق البنااات بالرد وتبرير الموقف

نقطة مهمة :
وبعد إعطاء الإجابات والمبررات الكافية يصبح فريق البنات في وضع الهجوم
ويطرح سؤال على فريق الشباب..... وهكذا يستمر الحوار




وأرجوا أن نكون مع الحق دائماً بعيداً عن الإنتماء و التحيز

وطبعا الزعل خارج حدود هالموضوع واللي يحس فينا انه بيزعل ارجو انه مايشارك

عشان محد يزعل من التاني ..


(( صافرة البداية )) ... تكون معكم ياشبابـ احترام وتقدير لكمـ


اي شاب يرد علي الموضوع يكتب سواله ..



اتمني موضوعي عجبكمــ

البنات دماغها على حسب تربيتها
ممكن تلاقى البنت دماغها فاضية وهااااااااايفة جدا
وممكن تلاقيها عاقلة ورزينة اخر حاجة
وغير التربية كله تبع الظروف وتبع الموقف
فى مواقف كتير بتأثر على تفكير البنات
ولكن فى اغلبية الوقت البنت بتفكر بعقلها الا فى حالة واحدة بس لو حبت مبتفكرش غير بقلبها
بعد ما كانت عقلة جدا ممكن تلاقيها بقت مجنونة اخر حاجة لان فى الحالة دى قلبها هو اللى بيوجهها
اضعف حاجة عند البنت هو قلبها واللى ممكن اى حد بس مش اى حد اوى يعنى انه يكسبه بكلمة حلوة
والبنت الشاطرة هى اللى تعرف تفكر بعقل قلبها
اتمنى تكون اجابتى وصلت اى شئ ولو مش واضحة ممكن او ضحها اكتر
وسورى انى طولت فى الرد

طولتى ايه انتى اقتصرتى وافصحتى
بجد اجابتك تمام التمام
وخلصتى السؤال ومظنش ان فى اى اجابه تانيه ممكن تزيد او توضح

يا ترى بقى الشباب هما اللى دماغهم رايحة فين؟؟؟؟؟؟؟

انا مش هنكر ان معظم الشباب ومش عاوز اقول الكل ان دماغهم مبتدورش على الحاجات الايجابيه لا ممكن معظهم يهتم بالترفيه والتفاهات والكماليلت ويكون ده همهم الاول
وفى شباب تانى بيهتم بالكماليات اولا ثم فى الايجابيلت والحاجات الكويسه ثانيا
وده عددهم قليل
فى بقى الشباب اللى دماغهم فى المصلحه اولا والمصلحه دى يا ليهم يا لغيرهم بس المصلحه والايجابيات اولا وقبل اى شىء وبعدين اى حاجه تانيه وده بقى عددهم قليل قوى
وفى اللى مفيش فى دماغه الا الايجابيات وبس واى حاجه تانيه هلس وده نادر انك تقابلى واحد كده

سوالى بقى بيقوووووووووووول
يا ترى الولد بيحب البنت اللى توافقه من غير اعتراض ولا اللى تديله فوق دماغه؟؟؟

سا عات كتير اوى الولد بيكون محتاج البنت اللى بيحبها انها تكون جنبه وتصارحه بحبها
وساعات بيحب البنت اللى بتتقل عليه
وده بيتوقف على مدى تفكير الشاب نفسه وعن احتياجاته واللى بيحيط بيه
نفس السؤال اكيد لانه سؤال جااااااااااااااااامد

انا عن نفسى بحب البنت تكون متمرده اوقات وتكون هاديه اوقات تانيه تتقلب من الوجه ده للوجه ده
نتثبتش على حاجه واحده
فى اوقات احس ان دماغها ناشفه نشوفيه الحجر وواثقه من نفسها وثابته على رأيها
وفى اوقات تانيه الرقه والرومانسيه والهدوء والطيبه والسذاجه بكل ما تحمل الكلمات من معنى يكونوا فيها
تبهرنى بشخصيتها ومتثبتش على حاجه على واحده
احس فى اوقات انها ضعيفه ومحتجالى ومتقدرش تستغنى عنى وان انا حمايتها وظهرها فى اى وقت
وفى اوقات تانيه احس بقوتها وانى لو رمتها فى وسط النار تطلعلى سليمه
يارب تكون وجهه نظرى وصلت

وجهة نظر سليمة وواضحة جدا
رأيك فعلا صحيح
الشباب بيحبو البنات اللى كده بس فى حدود طبعا لان الحاجة لو زادت عن حدها بتقلب لضدها



أمتى الولد يسيب البنت اللى بيحبها وهو عارف انها هى كمان بتحبه؟؟؟؟

لما يحس انه ممكن ميقدرش يسعدها هيفضل سعادتها على سعادته اعتقادا منه انه بكده بيشترى سعادته مقايل سعادته
غير كده اى سبب تانى يبقى مبيحبهاش بجد .
سؤال روووووووووعه

اعكسى السؤال بقى
امتى البنت تسيب الولد اللى بتحبه وهو بيحبها ؟

لما تحس ان مفيش فايدة من الحب ده بمعنى تانى انه ممكن يضرها

لاء البنت عمرها ما تعمل كده
البنت بتدى قلبها مرة واحدة ومش معقول انها تضحى بقلبها باى وسيلة من الوسائل
الا لو الولد هو اللى عنده مشاكل فهى مينفعش تفرض نفسها عليه حتى لو كان بيحبها
ومن وجهة نظرى اللى بيحبو بعض بيضحو ويعملو اى حاجة عشان يكونو مع بعض دائما

ايه اكتر موقف يزعل البنت من اللى بتحبه ؟

انها تحس انه مش مهتم بيها
وانها تشك انه بيحبها بدرجة اقل من اللى هى بتحبها ليه
وانها متحسش انها على باله وانها بتوحشه دائما
وانه ميحسسهاش انه جنبها ومعاها وانه بيحبها اوى
وكتير اوى حاجات زى دى
لازم البنت تحس بالاهتمام من اللى بتحبه وساعتها بس هتحس بالامان

انا معاكى بس لو احساسها ده صح
ممكن يكون الاحساس بتاعها ده مش فى محله لان معظم الاولاد مبيعرفوش يعبروا للبنت عن احساسهم ناحيتها
يعنى ميعرفوش يعبروا عن الحب ده او عن اهتماهم بيها رغم ان حبى الاولاد ليهم ممكن يقتلهم

امتى تحكم على اللى قدامك انه مغرور ؟

لما يتكلم على نفسوا كتييييييير
ويقعد يشكر فى نفسوا ويذكر محسانها

سوالنا انههارده
يا ترى الولد بيحس امتى بالملل من حبيبته ؟؟؟
وامتى البنت بتحس بالملل من حبيبها؟؟؟

مفتكرش ان ممكن حد يمل من الانسان الى بيحبوا
هو ممكن يتخنق منوا ومن افعالوا بس مش اكتر

البنت بتحس بملل من حبيبها لما تحس انه مش اد انه يديها اللى هى عايزاه
واما تحس انه مش هيقدر يحسسها بالامان واما يكون مش قادر يعبرلها عن حبه
واما يكون مش قادر يديها الحنان اللى هى محتجاله
والاهم :

انه يحسسها انها مجرد مصدر بياخد منه الكلام اللى يعجبه والحنان اللى محتاجله وبعد ما يشبع يهملها لحد اما يحتاج الحنان تانى

اجابتك حلوة اوى يا اونلى
سوالنا بقى انهارده
ياترى ايهما افضل الزواج التقليدى ولا الزواج عن حب ؟؟؟

كلام جميل اوى يا اونلى
وتقريبا زى ما قلتى كل الناس عاوزة الجواز عن حب

سؤال النهاردة بقى

امتى الولد يحس انه ضحى علشان البنت وامتى البنت تحس نفس الاحساس؟؟؟؟
وامتى الاتنين يحسوا ان كل واحد ضحى علشان التانى؟؟؟؟؟