عمرى اتسرق منى ومحستش يا قلبى بية
وحلمى تاة منى وملحقتش ادور علية
حسيت ساعتها ان عمرى كل ضاع
مع قلب اول ما احتجتة سبنى وباع
رجعت تانى ادور فى اوراقى القديمة
ملقتش غير اللحظة دى حسيت فيها الهزيمة
دا انا ياما اديت كل احاسيس الهوى والفرحة
وملقتش غير الطلم من عيون جاحدة وجرحة
ياة يا قلبى قدرت تتحمل وتعيش
بس انا مش عارفة لية يحصل كل دة فيا
ولية يا دنيا مشفتش منك غير الجرح فيا
حتى احساسى بيكى طلع اوهام
اما حلمى دا بقى من غير احلام
نفسى اهرب من نفسى اللى بايدى ظلمتها
وازاى اهرب وانا جوايا سكنتها
خلاص كدة انا مش عايزة من الدنيا حاجة
اسفة بجد يا دنيا انى دخلت فيكى
واسفة لقلبى الى جرحتة بيكى
واسفة لدمعى الى سال من بين ايديك
ندمانى يا دنيا على عمرى الى عشتة فيكى
الثلاثاء 9 نوفمبر 2010 - 0:17
