طائر الليل الحزين
تاريخ التسجيل : 14/11/2009
 | موضوع: ياصياد الطيور  الجمعة 15 أكتوبر 2010 - 10:08 | |
|
ياصياد الطيور ياخالى صباعك على زناد الموت
أنا عصفور ضعيف الحال ومايكفيش لعيالك قـوت
أنا العصفور وليف الخُضرة والميه أنا المولود على كفوف الجناينية
بقول تغريد نغمها شديد قريب و بعيد ياخدنى الشوق على جناحه و ببقى وحيد
ياصياد الطيور ياخالى
لعود تانى لانا حيران ولا فرحان ولامحزون ولا بشبع غنى وألحان
ولا بحكى مع النسمة ولا بشكى من القسمة ولما الدنيا تبكينى أقول دى مسيرها مبتسمة
آدى لى سنين على ده الحال بآسى المر و البطال
ياصياد الطيور ياخالى
أشوف الصقر فارد فى الهوى باعه وأتباعه نشرهم فى الفضا جاعوا
طيور تانيين صغار مساكين جواعا لكنهم تايهين ولا صاحيين ولا صاحيين
عشان نابه ومخلابه تلاقى الكل أحبابه و دنيا تخاف من القوة و جو الدنيا مش هو
أشوف بلبل غريب فى الدوح بيرقص رقصة المدبوح
فى هفة ريح سقط عشه وفين هيروح
آدى لى سنين على ده الحال بآسى المر و البطال
ياصياد الطيور ياخالى
ياصياد الطيور حافظ على الخرطوش د 100 عصفور كمان ادى مايستهلوش
حدادك الصقر لو تضرب على وكره تلاقى لحم متكوم ولا بيكلوش
طاوعنى و إرميها من ايدك طاوع و ارجع هزيل لحمى لا هيفيدك ولا ينفع
شوف لك طير تانى وأعيش أنا مرتاح البال
آدى لى سنين على ده الحال بآسى المر و البطال
ياصياد الطيور ياخالى | |
|
