نهايه معظم علاقات فاشله

تاريخ التسجيل : 25/11/2009

معلش يا احلي اعضاء الموضوع طويل شويه بس صدقوني يحتاج فعلا للقراءه

في الفترة اللي فاتت دي بقيت اسمع كتير أوي ان في علاقات حب بتنهي بجمله غريبة جدا السبب ده سمعته كتير اوي وخصوصا و انا بسمع البرنامج الاذاعي الشهير انا و النجوم و هواك للمذيع اللامع الرومانسي الحالم المشهور بصوته الجذاب أسامه منير
أسامه يسألهم/ مرتبطة؟,, ترد:كنت,, يقولها/ طيب و ايه اللي حصل احكيلي,, تقوله: قالي انا مش عايز اظلمك معايا انا احنا لازم نسيب بعض احنا مهما عملنا حكايتنا مش حاتكمل ابداو يسيبها و يمشي والبنت تعيش الوهم ان هو عايش حياة مليانه بؤس و اصحابه ييجوا يقولولها ان هو و لا بينام و لابياكل و تعبان و دخل المستشفى و حالته تصعب ع الكافر وتفضل تقول ان هو ضحى بالحب علشان سعادتها و ان هو فعلا مش عايز يظلمها معاه طيب هل دي فعلا الحقيقة؟ هل ينفع اتنين يكونوا بيحبوا بعض و في اليوم اللي تيجي البنت تقوله ايه يا كابتن احنا حانفضل في اللي احنا فيه ده كتير و اللا ايه؟ انت مش حاتيجي تتقدم لبابا ؟؟ يكتشف بعديها بكام يوم ان هما ما ينفعوش لبعض و يبرر موقفه ان احنا في زمن ما فيهوش شغل فباتالي مش حاقدر اجيب شبكه و لا مهر و لا اجهز الشقة لاني اصلا مش معايا الشقة اللي اجهزها و الكلام ده و لسه هروح الجيش و حايضيع من عمري مش عارفة سنه و اللا اتنين و بعدين هطلع عقبال ما الاقي شغلانه عدله و أحوّش و أكوّن نفسي فيها مش اقل من 10 سنين و انا مش حاقدر أركنك جنبي طول الفترة دي فمعلش يا حبيبتي حبي ليكي يخليني و يجبرني اني اضحي بسعادتي علشانك و ينهي كل حاجة طيب معلش انا ببقى نفسي اسأل كل واحد بيقول الكلمتين دول

**هو انت حضرتك ما كنتش عارف كل ده في اللحظة اللي قلبك دق فيها و قررت انك هتروح تعترف بالحب الكبير اللي ملا قلبك و تقول بحبك للانسانه اللي كنت مستنيها من زمان كانت كل الظروف دي موجوده و اللا لأ؟ و اللا هي النكسه الاقتصاديه اللي في البلد هي و البطاله حصلت بعد ارتباط حضرتك و اللا ايه الأخبار؟ مش قادرة اقول فعلا الموضوع ده بينرفزني قد ايه,, بتحبها ؟؟؟؟ خلاص المفروض انك تتفق انت و هي اناهعمل كذا و حاجي بعد كذا و هحاول ابذل قصارى جهدي علشانك مش بكل هبل تقول مع السلامه إلا بقة لو انت واخد الموضوع ده حجه و ده الغالب من وجهة نظري ما عندوش كلام يقوله فبيقول الجمله الغريبه دي و و الله احيانا بعد لما البنت تقول ان هو قالها كدة تعرف ان هو خطب بعديها بأسبوع و اللا اتنين و اللا قابلته في الشارع مع واحدة و طلعت مراته و حاجات كدة غريبه فعلا بجد بيحصل
اقولك على حاجة؟

انت مالك يا سيدي هي راضيه انها تقعد تستناك كام سنه 10 كدة خمستاشر انت ايه اللي مزعلك هي اشتكت انت لو مفهمها الظروف و بينكم تفاهم و هي شايفه انك فعلا بتحاول تعمل حاجة علشان تسعدها مش حايفرق معاها سنه من عشرة هي البنت كدة لو حست انك بتقدم خطوة بتقدم هي عشرة و يمكن اكتر على حسب قدرتها على المشي00و بعدين الأهل خلاص ما بقوش زي الأول ما بقوش زي اللي بييجوا في التليفزيون خلاص الأهل دلوقتي ما بيصدقوا أصلا ان في عريس جاى لبنتهم لان هما عارفين ان في ازمه عرسان في البلد زي ما في ازمه شغل كدة بالظبط و بقوا غلابه كدة و يقولوا الرأي رأي البنت الا القله القليل يعني احنا برده مش عايزين نعمم الكلام يعني تقريبا الأكتر خلاص ما بقوش يطلبوا الشبكه اللي بالشئ الفلاني و لا الشقة اللي لازم تبقى 4 إوض و صالتين و بلاكونه بحري و حمامين و روف جاردن خلاص تقريبا الحوارات دي خلاص قربت تنقرض خلاص دلوقتي عندي شقه حاتقعد مع مامتي كل ده حتى لو هما شايفين ان العريس مش قد كدة و مش داخل دماغهم أوي بقوا خلاص يقولوا البنت عايزة كدة خلاص دي حياتها و هي حرة فيها علشان هما عارفين ان هما لو ما وافقوش و الموضوع مشي برضاهم ممكن هما يمشوه بغير رضاهم و بوسائل غلط و هما اللي
يبقوا السبب في الآخر في المشاكل الكتير اللي ممكن تترتب
على رفضهم ده

ياريت كل واحد يقول رأيه بصراحه من غير مايكون كل همه النقد
لأن ده هو اللي بيحصل فعلا

تاريخ التسجيل : 25/11/2009

مستنيه ارائكم الممتعه

تاريخ التسجيل : 28/07/2010

بجد موضوع جميل جداااااااا وفعلا انا معاااااااااااااااااكى جدااااااااا جداااااااا وفعلا القصص دى بتحصل فعلا والله انا كنت بتابع اسامة بس بصراحة زهقت من الحوارات دى اوووووووووووى فا مبقتش اسمعه خاااالص بقالى حوالى سنة والموضوع ده فعلا بيستفزنى جداااااااا وبصراحة الاكترية من الشباب دلوقت بيتسلوا ولو حد جيه وكلم الشاب من دول ويقوله ايه انت مش هتتجوزها ولا ايه يقول ايه انا متجوزش واحدة مشيت معاها ما ممكن تكون مشيت مع غيرى والبنت ياعينى تكون فعلا حبته بجد فا والله فعلا دى معظم العلاقات بس برضوا ف شباب بيحبوا بجد بس للاسف دول اقلية جدااااااااااا ف زمنا ده ودلوقت الناس بتاخد العاطل بالباطل يعنى فى ناس مظلومة بس هنعمل ايه هى دى قوانين الحياة وفعلا كلامك صح مية ف المية
وتسلمى يا قمر لانه بجد موضوع مهم جدااااا وياريت الناس تستفيد
تقبلى مرورى

تاريخ التسجيل : 25/07/2010

مهو دة اللى موجود دلوقتى كل واحد عايز يعيش لة يومين
يعنى يخرج ويتفسح ويعمل اللى هو عايزة انما يدبس نفسة
فى خطوبة بقى وغيرة لا دى صعبة جدا بس اكيد
فى ناس كويسين بس نسبة قليلة ودا بقى بيرجع للتربية اصلا
موضوع جميل جدا بصراحة